Tre persona janë lënduar si pasojë e një aksidenti dhe një përleshje që kanë ndodhur pasditen e sotme, në rrugën “Ahmet Krasniqi” në Prishtinë, shkruan Gazeta Sinjali.

Këtë për Gazetën Sinjali e ka konfirmuar zëdhënësi i policisë për rajonin e Prishtinës, Agron Borovci.

Ai ka bërë të ditur se në aksident janë përfshirë dy vetura.

Si pasojë e aksidentit, personat të cilët ishin në vetura u përfshinë në një përleshje mes vete .

Raportohet se tre të lënduarit janë dërguar në Qendrën Klinike Universitare të Kosovës (QKUK) për trajtim mjekësor.

“Policia ka dalë në vendin e ngjarjes dhe ka nisur një hetim lidhur me rrethanat e këtij rasti”, ka thënë  Borovci për Sinjalin./GazetaSinjali/