Një aksident trafiku ka ndodhur sot rreth orës 17:30 në Veternik të Prishtinës, shkruan Gazeta Sinjali
Rastin e ka konfirmuar edhe zëdhënësja e Policisë së Kosovës, Flora Ahmeti.
Ajo tha për Sinjalin se në aksident janë përfshirë tri vetura dhe janë lënduar tre persona.
“Sot rreth orës 17:30, në Veternik, është raportuar për një aksident rrugor në mes të tri automjeteve. Bazuar në të dhënat fillestare nga vendi i ngjarjes, si pasojë e këtij aksidentit, ndihmë mjekësore ka kërkuar tre persona”, tha ajo.
