Një aksident trafiku mes dy veturave në lëvizje ka ndodhur mbrëmjen e sotme në Prishtinë, më saktësisht te “Bill Clintoni”, shkruan Gazeta Sinjali.

Zëdhënësja për media në Polici, Flora Ahmeti, i tha Sinjalit se nga aksidenti kanë mbetur të lënduar dy persona.

“Rreth orës 21:30 në rrugën Bill Clinton në Prishtinë, ka ndodhur një aksident trafiku, në mes të dy automjeteve në lëvizje, si pasojë janë lënduar dy persona. Personat e lënduar janë dërguar për tretman mjekësor, ndërkohë që njësiti i trafikut po merret me rastin”, shtoi Ahmeti për Sinjalin. /Gazeta Sinjali/