Legjenda e Manchester Cityt, Sergio Aguero ka lënë të kuptohet se Erling Haaland mund të marrë kohë për t’u përshtatur me futbollin anglez pas paraqitjes së tij të dobët në Community Shield.
Sulmuesi norvegjez ka mbërritur në Premier League me shumë zhurmë pas lëvizjes së tij prej 51 milionë funtesh nga Borussia Dortmund në fillim të kësaj vere.
Megjithatë, ai ishte nga figurat tragjike në humbjen 3-1 të Manchester City nga Liverpool të shtunën duke humbur disa raste të mira shënimi.
Por Aguero, i cili shënoi 259 gola në 388 ndeshje për Cityn, tha se Haaland ishte ‘shumë i mësuar me Gjermaninë’ dhe kishte vështirësi kundër mbrojtësit të yllit të Liverpool-it, Virgil van Dijk.
“Ai ishte shumë i mësuar me Gjermaninë”, tha Aguero në kanalin e tij Twitch.
Haaland mendoi se ishte vetëm, pastaj Van Dijk mbërriti dhe tha “mirë se erdhe në Premier League”.
Haaland shënoi 62 gola në 67 ndeshje të Bundesligës në dy sezone e gjysmë për Dortmundin dhe është mbështetur nga basteshkruesit për të përfunduar si golashënuesi më i mirë i Premier League në sezonin e tij debutues për Cityn.
Ai do të shpresojë të ndjek Agueron, i cili shënoi 23 gola në ligë në sezonin e tij të parë për klubin pasi u transferua nga Atletico Madrid në 2011 përpara se të bëhej golashënuesi i tyre rekord i të gjitha kohërave.
