Ministri i Infrastrukturës, Arban Abrashi ka pritur sot në takim Shefin e Zyrës së Bashkimit Evropian në Kosovë, Tomas Szunyog.

Në takim u diskutua për vazhdimin e bashkëpunimit në mes Kosovës dhe Bashkimit Evropian, në kompletimin e infrastrukturës rrugore dhe projektet që ministria mbulon.

Ministri Abrashi e njoftoi përfaqësuesin e Bashkimit Evropian për prioritetet dhe objektivat e Ministrisë së Infrastrukturës, e që janë modernizimi i hekurudhave dhe lidhja e Kosovës me autostradat e vendeve të regjionit.

Abrashi theksoi se me Bashkimin Evropian do të punojnë ngushtë, duke bërë të ditur se Republika e Kosovës është e përkushtuar në rrugët e saj drejt integrimit.

Ndërkaq, Szunyog ka thënë se Zyra e Bashkimit Evropian e rikonfirmon mbështetjen për Kosovën në rrugën e integrimit dhe modernizimit të infrastrukturës, duke vlerësuar se BE-ja mbetet partner i Kosovës. /Gazeta Sinjali/