image Ministria e Infrastrukturës ka një lajm të mirë për kompanitë e transportit rrugor

Biznes

Ministria e Infrastrukturës ka një lajm të mirë për kompanitë e transportit rrugor

news image

Ministri në detyrë i Infrastrukturës, Arban Abrashi ka njoftuar se kompanive të transportit rrugor, do të iu bëhen kompensimet e humbjeve që kanë pasur këto kompani në kohë të pandemisë së koronavirusit, shkruan Gazeta Sinjali.

Kjo është bërë e ditur përmes një konference të përbashkët me Shoqatën e Transportit Rrugor.

“Ne kemi hartuar një kornizë e cila parasheh një formë të kompensimit për kompanitë të cilat merren me transportin e udhëtarëve. Kjo parasheh që këto kompani të subvencionohen në kuadër të pakos për rimëkëmbje ekonomike në kuadër të atyre kilometrave që ato kompani bëjnë”, tha Abrashi.

Ndërsa, Ruzhdi Kurtishaj nga Shoqata e Transportit Rrugor ka treguar se kompensimi do të bëhet në bazë të kilometrave të kaluara.

“Është e domosdoshme që këto kompani të subvencionohen në mënyrë që të mbijetojnë në këtë kohë pandemie”, ka thënë Kurtishaj.

/Gazeta Sinjali/