Ruzhdi Kurtishaj, kryetar i Shoqatës së Transportit të Udhëtarëve, ka kërkuar që në mënyrë urgjente Qeveria ta heq akcizën për derivate të naftës.
Ai ka kërkuar që largimi i akcizës të bëhet për një periudhë të caktuar kohore për sektorin e transportit rrugor të udhëtarëve me autobusë, shkruan lajmi.net.
“Urgjent Qeveria të heq akcizën për derivate të naftës për një periudhë të caktuar kohore për sektorin e transportit rrugor të udhëtarve me autobusë”, ka thënë ai përmes një postimi në Facebook.
Po ashtu ai ka treguar se, një litër naftë në Kosovë është më shtrenjtë se sa në Mal të Zi, Serbi e Maqedoninë e Veriut.
“A ka bileta ka 10 euro me shku ne Durres e Velipoje? 1 litër naftë në Kosovën tonë të dashur 1.87, Maqedonia e Veriut, Mali i Zi e Serbia 1 liter nafte rreth 1.60 euro, andaj Operatoret e transportit rrugor te udhetarve ne keto vende jane te priviligjuar, kane çmime te biletave të udhëtimit me te shtrejta e furnzim me derivate shumë më lirë se ne”.
