Manchester City dhe Inter do të luajnë finalen e Ligës së Kampionëve sonte në stadiumin olimpik Ataturk të Stambollit.
Është një stadium shtetëror në qytetin më të madh të Turqisë që zë 75 mijë njerëz dhe mban emrin e të famshmit Mustafa Kemal Ataturk, themeluesit të republikës moderne turke.
Ndërtimi i stadiumit ka kushtuar 350 milionë euro dhe është hapur në vitin 2002.
Megjithatë, të paktë janë ata që nuk e mbajnë mend ndeshjen e zhvilluar aty më 25 maj 2005, e cila hyri në analet e futbollit evropian.
Është ndeshja më e njohur që është luajtur në Ataturk, ku luajtën Liverpool dhe Milan në finalen e Ligës së Kampionëve.
Milani kryesonte 3:0 në pjesën e parë falë golave të Paolo Maldinit dhe dy të Hernan Crespos, por në pjesën e dytë Liverpool bëri një mrekulli dhe nga minuta 54’ deri në 61’ barazoi në 3:3 me golat e Steven Gerrard, Vladimir Shmiter dhe Xabi Alonso.
Krahas këtyre treve, heroi i Liverpool ishte edhe portieri Jerzy Dudek, i cili për mrekulli e pengoi Andriy Shevchenkon të shënonte për 4:3 dhe më pas priti goditjen vendimtare në ekzekutimin e penalltive dhe ua solli trofeun Redsave.
