Sot në intervalin kohor, nga ora 17:20 deri në orën 18:40, në magjistralen Prishtinë – Pejë nga lokacioni Kroni i Mbretit deri te mbikalimi në Komoran, në dy drejtimet e rrugës kanë ndodhur 13 aksidente trafiku. Gjashtë nga këto aksidente kanë përfunduar me persona të lënduar, raporton Sinjali. Të lënduarit janë jashtë rrezikut për jetë.
Por si u shkaktuan këto aksidente brenda një kohe kaq të shkurtër?
“Deri te aksidentet dyshohet se ka ardhur si pasojë e reshjeve të shiut dhe kushteve krijuara në rrugë, me ç’rast disa nga vozitesit nuk e kanë pershtatur shpejtësinë me kushtet e rrugës. Ata nuk kanë mbajtur distancëne mjaftueshme ndermjet automjeteve për të shmangur aksidentet. Qarkullimi në këtë aks rrugor është zhvilluar me vështersi dhe janë krijuar kolona të gjata”, tha zëdhënësi i Policisë së Kosovës, Daut Hoxha, për Sinjalin.
Në vendin e ngjarjes ka dalë policia, ekipet e zjarrëfikësve, ekipi i mirëmbajtjes së rrugëve si dhe autoambulancat.
“Pas orës 19:00 qarkullimi i automjetevene në këtë aks rrugor ka filluar të normalizohet dhe policia ka kryer procedurat e nevojshme për aksidentet e evidentuara”, tha policia.
PAMJE NGA VENDI I NGJARJES, KLIKO KËTU:
Policia e Kosovës vazhdimisht po bën apel te qytetarët për kujdes në komunikacion, me qëllim që të parandalohen aksidentet.
