Kryetarja e Kuvendit të Kosovës, Vjosa Osmani ka njoftuar se duhet pritur për një ose dy orë, që të votohet për lexim të dytë Projektligji i buxhetit për vitin 2020.
Ajo tha se janë në pritje të rekomandimit nga Komisioni për Buxhet.
Seanca për votimin e buxhetit të Kosovës është thirrur e jashtëzakonshme sot në orën 15:00 për shkak të përhapjes në vend të pandemisë koronavirus.
Deputetët e Lëvizjes Vetëvendosjes iniciuan një mocion për shmangie nga afatet procedurale dhe të shkohet me procedurë të përshpejtuar në votim, diçka që u kundërshtua nga partitë opozitare.
Mocioni u votua pa prezencën e opozitës në sallë, çka pastaj ngjalli debat mes deputetëve ku opozita kritikoi pushtetin se po e shfrytëzojnë gjendjen e jashtëzakonshme për të kaluar buxhetin pa u japur mundësi deputetëve të shprehin qëndrimet e tyre.
Buxheti i Kosovës për vitin 2020 është 2 miliardë e 357 milionë euro./GazetaSinjali/