Sot është dita e tretë e sulmit të Rusisë ndaj Ukrainës, transmeton Sinjali.
Deri tani, sipas autoriteteve ukrainase, janë vrarë rreth 198 persona, në mesin e tyre edhe tre fëmijë.
Këto janë zhvillimet e fundit:
- Pati luftime brenda dhe përreth Kievit gjatë natës. Ushtria e Ukrainës tha se zmbrapsi forcat ruse pranë bazës së saj në një rrugë kryesore të qytetit
- Një bllok banimi në Kiev është goditur dhe ka pësuar dëme të rënda
- Në mëngjes, presidenti Zelensky postoi një video të tijën përpara monumenteve të qytetit, duke mohuar raportet se ai kishte urdhëruar një dorëzim dhe duke u zotuar se Ukraina do të mbrohej
- Ministria ruse e mbrojtjes tha se forcat e saj kishin kontrollin e qytetit juglindor të Melitopolit – por një ministër i Mbretërisë së Bashkuar i tha BBC-së se ishte skeptik ndaj pretendimit.
- Ministri i Forcave të Armatosura të Mbretërisë së Bashkuar, James Heappey, thotë se Mbretëria e Bashkuar dhe 25 vende të tjera kanë rënë dakord të ofrojnë armë për Ukrainën.
- Ministria e shëndetësisë tha se 198 ukrainas ishin vrarë deri më tani, duke përfshirë dy fëmijë, dhe më shumë se 1,000 ishin plagosur.
- Polonia ka refuzuar të luajë një ndeshje kualifikuese të Kupës së Botës kundër Rusisë në Moskë në mars – federata e saj e futbollit tha se ishte “koha për të vepruar”.
- OKB vlerëson se 100,000 njerëz kanë ikur nga Ukraina në 48 orët e fundit
