Autoritetet në Krimenë e aneksuar nga Rusia kanë shpallur gjendje emergjente, mes përshkallëzimit të sulmeve ajrore ukrainase dhe problemeve serioze me energjinë elektrike dhe furnizimin me karburant.
Ndërprerjet kanë prekur edhe Sevastopolin, ku janë vendosur kufizime në transportin publik, aktivitetin e bizneseve dhe ndriçimin publik.
Sipas autoriteteve ruse, mbrojtja ajrore ka rrëzuar qindra dronë ukrainas gjatë sulmeve të fundit, përfshirë edhe mbi Moskë dhe Krime, ndërsa Kievi thotë se këto goditje janë hakmarrje për sulmet e vazhdueshme ruse dhe pjesë e përpjekjeve për të dobësuar kapacitetet ushtarake të Moskës.
Në Ukrainë, sulmet ruse me dronë kanë shkaktuar viktima në rajonet Dnipropetrovsk dhe Sumy, ku janë raportuar të vrarë dhe të plagosur, përfshirë edhe civilë.
Ndërkohë, Franca ka sekuestruar një cisternë nafte të dyshuar si pjesë e “flotës në hije” ruse, që dyshohet se përdoret për shmangien e sanksioneve perëndimore, duke rritur tensionet me Moskën.
Në zhvillime të tjera, Ukraina ka njoftuar plane për ndërtimin e kapaciteteve të saj të inteligjencës artificiale me mbështetjen e sektorit privat, ndërsa Kievi dhe Moska kanë shkëmbyer 160 të burgosur lufte.
Po ashtu, është raportuar vdekja e ish-ministrit rus të Mbrojtjes, Sergei Ivanov, një figurë e njohur e elitës politike dhe të sigurisë në Rusi.
Sinjali – aty ku e vërteta flet para lajmit!
