image Zemaj e quan qeverinë Kurti autokrate
[wp-story id="814678"]

Politikë

Zemaj e quan qeverinë Kurti autokrate

news image

Deputeti i Lidhjes Demokratike të Kosovës, Armend Zemaj ka kritikuar Qeverinë Kurti për gjendjen në shëndetësi, reduktimet e energjisë, krizën ekonomike e grevat duke e quajtur qeverinë Kurti autokrate.

Zemaj përmes një postimi në llogarinë e tij në Facebook, ka folur për kërcënimin ndaj grevistëve.

“E fundit: kërcënimi për pezullim të pagave për grevistët sindikalist, është sjellje e zakonshme e qeverisjeve autokrate” ka thënë ai.

Postimi i plotë i Zemajt:

Qeverisja e territ veç terr prodhon

-Mungesë të barnave nga lista esenciale në institucionet shëndetësore.

-Furnizim i dobët me material shpenzues mjekësor.

-Listat e pritjes së qytetarëve për të marrë shërbimet shëndetësore janë stërzgjatur.

-Profesionistët shëndetësor vazhdojnë të trajtohen me lëmoshë.

-Ikja e mjekve është bërë normale.

-Reduktime të energjisë elektrike në pikë të verës, bashkë me rritjen e çmimit të energjisë prej 100%.

-Investimet kapitale janë realizuar vetëm 9%.

-Inflacioni ka arritur prej 14.2%, gjersa çmimi i produkteve esenciale është rritur mbi 50%.

-Greva gjithandej si pasojë e mosdëgjueshmërisë qeveritare.

-Dhe shumë të tjera…

E fundit: kërcënimi për pezullim të pagave për grevistët sindikalist, është sjellje e zakonshme e qeverisjeve autokrate.

/GazetaSinjali/