Nënkryetarja e PDK-së, Vlora Çitaku e ka kritikuar Qeverinë për moskoordinim me aleatët për çështjen e largimit nga përdorimi të dinarit serb në vend.
Çitaku tha se aleatët kanë kërkuar vetëm që “zbatimit t’i paraprijë një fushatë vetëdijësuese”.
E njëjta gjithashtu kujtojë rastin e sulmit të 24 shtatorit në Banjskë të Zveçanit.
“Nëse janë kaq, ama bash kaq të vendosur në zbatimin e rregullit dhe ligjit, e shtrirjes së kushtetutshmërisë anë e kënd Republikës, si e lanë Radoiçiqin dhe dhjetëra kriminelë që bënë sulm terrorist në Kosovë, të largohen në dritë të diellit”, tha Çitaku.
“Ata u larguan pa therrë në këmbë”, tha nënkryetarja e PDK-së.
“Është e qartë që i kanë lënë”, shtoi ndër tjera ajo në Frontal.
