Aktorja Yllka Gashi e ka vlerësuar si rrugëtim të paharruar suksesin e filmit “Zgjoi” edhe pse ai nuk arriti të nominohet në listën finale për çmimet Oscars.
Gashi që është personazhi kryesor i filmit kosovar u shpreh e bindur se “Zgjoi” do të bëjë histori duke u nominuar e fituar në edicionet e ardhshme të Akademisë.
“’Zgjoi’ që e punuam me shumë pasion e përkushtim, na hapi dyer e na e mundësoi jo vetëm të kemi shpërthim ndërkombëtar në karrierat tona, por edhe ta promovojmë Kosovën e suksesin e grave të Kosovës! ‘Zgjoi’ na solli gëzim e na bëri krenarë të gjithëve dhe shkroi histori te re për kinematografinë tonë! Ishte dhe mbetet rrugëtim i bukur e i paharruar, për të cilin jam shumë falenderuese!”
“Falemnderit shumë që u gëzuat për ne e për dashurinë e përkrahjen e jashtëzakonshme që na e keni dhënë tash e një vit! Jam e bindur që në vitet në vijim filmi kosovar do të bëjë histori duke u nominuar e fituar në edicionet e ardhshme të Akademisë. Kosova ka shumë talent e rrëfime autentike të cilat duhet t’i tregojmë”, shkroi Gashi në Facebook.
