image Ylli i PSG-së e thotë troç: Çdo lojtar ëndërron të vesh fanellën e Real Madridit

Futboll

Ylli i PSG-së e thotë troç: Çdo lojtar ëndërron të vesh fanellën e Real Madridit

news image

Mesfushori i Paris Saint-Germain, Leandro Paredes ka theksuar se “ëndërron” të luajë për Real Madridin.

Argjentinasi iu bashkua PSG-së nga Zenit në vitin 2019, por është kufizuar në vetëm 15 paraqitje në Ligue 1 për shkak të problemeve të lëndimeve.

Paredes po hyn në vitin e fundit të kontratës së tij me kampionët francezë dhe ai ka thënë se do të dëshironte të bashkohej me skuadrën e Santiago Bernabeu.

“Çdo lojtar ëndërron të veshë atë fanellë, është një klub shumë i rëndësishëm”, tha Paredes për TyC Sports.

“Por unë kam shumë respekt për klubin tim, Paris Saint Germain, dhe jam shumë i lumtur këtu”, u shpreh argjentinasi.

Pavarësisht se ka një kontratë që zgjat deri në vitin 2023, Paredes është lidhur me një largim nga PSG këtë verë.

27-vjeçari mund të ketë luajtur tashmë ndeshjen e tij të fundit për klubin kryeqytetas, pasi pësoi një dëmtim muajin e kaluar.

Paredes nuk pritet të jetë i aftë për t’u paraqitur për skuadrën e Mauricio Pochettino para fundit të sezonit.

Ndërsa ëndrra e tij është të luajë në Madrid, ai ka qenë i lidhur ngushtë me një rikthim në Itali.

Juventus, AC Milan dhe Inter thuhet se janë të gjithë pas ish-lojtarit të Romës këtë verë.

/GazetaSinjaliSport/