Real Madridi po shqyrton mundësitë në tregun e transferimeve për të forcuar repartin e portës, ndërsa pret vlerësimin përfundimtar të gjendjes fizike të Thibaut Courtois.
Portieri belg mbetet zgjedhja kryesore e trajnerit, por shqetësimet e vazhdueshme me dëmtimet kanë shtyrë drejtuesit e klubit të analizojnë alternativa për të ardhmen.
Sipas raportimeve, në listën e kandidatëve të monitoruar nga madrilenët janë Bart Verbruggen, Gregor Kobel dhe Diogo Costa, tre portierë që kanë spikatur me paraqitjet e tyre në sezonet e fundit.
Megjithatë, deri në publikimin e diagnozës përfundimtare për Courtois, Real Madridi nuk pritet të ndërmarrë hapa konkretë në merkato. Klubi synon të vlerësojë me kujdes situatën përpara se të vendosë nëse do të investojë për një portier të ri gjatë kësaj vere.
Nëse dëmtimi i belgut rezulton më serioz sesa pritej, drejtuesit madrilenë mund të përshpejtojnë negociatat për të siguruar një zëvendësues cilësor për sezonin e ri.
Sinjali – aty ku e vërteta flet para lajmit!
