Mesfushori i Ajax shpreson që trajneri i tij aktual do të refuzojë një kalim në Old Trafford dhe do të zgjedhë të qëndrojë në Johan Cruyff Arena.
Manchester United ka vite që “po ecën keq”, sipas yllit të Ajax-it, Davy Klaassen, i cili mendon se është e qartë pse Erik ten Hag është një objektiv i menaxherit për ‘Djajtë e Kuq’, transmeton Sinjali Sport.
Man United ka krijuar një listë me katër kandidatë në kërkim të një trajneri të ri të përhershëm, me trajnerin e përkohshëm Ralf Rangnick që do të hyjë në një rol konsulent në fund të sezonit.
Mauricio Pochettino i Paris Saint-Germain, trajneri i Spanjës Luis Enrique dhe Julen Lopetegui i Sevillas u emëruan në listë së bashku me Ten Hag, i cili tashmë ka intervistuar për rolin pas një viti tjetër të jashtëzakonshëm në krye të Ajax.
Është raportuar se Ten Hag tani është favoriti për ta zëvendësuar Rangnick në “Old Trafford” dhe Klaassen e kupton pse ai ka dalë në radarin e ‘Djajve të Kuq’.
Ai është ende optimist se Ten Hag do të zgjedhë të qëndrojë në Johan Cruyff Arena, pasi ai e ka udhëhequr Ajaxin në katër trofe gjatë kontratës të tij pesëvjeçare, duke përfshirë dy tituj të ‘Eredivisie’, dhe gjithashtu ka arritur në gjysmëfinale të Ligës së Kampionëve.
“Ai ka bërë mirë me ne për vite dhe Manchester United ka bërë keq për vite me radhë”, tha Klaassen për gazetën holandeze Algemeen Dagblad. Ai gjithashtu mund të qëndrojë. Unë shpresoj se po“, ka theksuar ai.
Ten Hag është ende nën kontratë me Ajax deri në vitin 2023 dhe ka insistuar vazhdimisht se ai është plotësisht i fokusuar në detyrat e tij aktuale në Amsterdam.
Megjithatë, kur u pyet për lidhjet me United javën e kaluar, 52-vjeçari dha treguesin më të qartë se ai është i hapur për të marrë një sfidë të re në Premier League.
“Përqendrimi im është aktualisht vetëm tek Ajax, por në futboll nuk dihet kurrë”, tha Ten Hag për Sport 1. Nuk dua të përjashtoj asgjë. Nëse në një moment do të vendos të bëj hapin tjetër, shpresoj që njerëzit këtu ta kuptojnë. Të gjithë e njohin njëri-tjetrin në industri. Gjithmonë ka bisedime me përfaqësues të klubeve të tjera, kjo është normale. Manchester United është një klub i madh me tifozë të mëdhenj, por mund ta përsëris veten: fokusi im i plotë është tërësisht te Ajax! Tashmë jemi duke planifikuar për sezonin e ri”, kishte deklaruar ai.
