Erik ten Hag ka vendosur që Anthony Martial nuk do të shitet apo huazohet nga Manchester United në merkaton aktuale, sepse e ardhmja e pasigurt e Cristiano Ronaldos do të thotë se trajneri ka nevojë për numrin 9 për sezonin e ri.
Martial ka qenë një nga performuesit më të mirë të United në turneun e tyre para-sezonal, duke shënuar në secilën nga tre fitoret – kundër Liverpool, Melbourne Victory dhe Crystal Palace.
Megjithatë, 26-vjeçari zhgënjeu sezonin e kaluar, duke arritur vetëm dy gola dhe një asistim në 23 paraqitje për United dhe Sevilla, ku ai kaloi gjysmën e dytë të sezonit në huazim. Kjo shkaktoi spekulime se ai mund të lejohej të largohej, por me Ronaldon që po dëshuron të largohet dhe nuk ishte në turneun dy-javor për shkak të një problemi familjar, Ten Hag ka vendosur që ai duhet të mbajë Martial.
Edhe nëse Ronaldo qëndron – diçka që është bërë më e mundshme për shkak të mundësive të pakësuara të 37-vjeçarit – Martial duket pothuajse i sigurt se do të fillojë si qendërsulmuesi i parë nën drejtimin e Ten Hag, sepse sulmuesi portugez ende nuk është duke u stërvitur nën menaxherin e ri.
Opsionet e tjera të larta të Ten Hag si sulmues qendror janë Marcus Rashford dhe Jadon Sancho. Megjithatë, secili preferon të operojë në krah.
