Ansu Fati do të luajë në takimin e Barcelonës me Real Madridin. Kështu ka njoftuar trajneri i Barçës, Xavi Hernandez.
Por Ansu Fati nuk do të luajë në ndeshjen kundër Granadas këtë fundjavë, pasi Xavi ka vendosur ta ruajë atë për ‘El Classicon’ e radhës.
Katalunasit do të përballen me Granadan, me mungesë të Segino Dest, Abde Azzalzouli, Ansu Fati dhe Alejandro Balde.
“Ansu është mirë. Kishte një shans që ai të ishte në skuadër, por ne nuk duam të rrezikojmë. Ne do ta mbajmë atë të sigurt. Ai do të jetë me ne për Superkupën, që është një lajm i madh për ne. Ai bën një ndryshim të madh”, tha Xavi në konferencën për media sot.
