Grupi mercenar i Rusisë Wagner është përpjekur të rekrutojë në shkollat e mesme të Moskës, duke shpërndarë pyetësorë dhe duke mbledhur detajet e kontaktit të nxënësve të interesuar që mund të duan të bëhen “luftëtarë të rinj”, thotë Ministria Britanike e Mbrojtjes.
Wagner gjithashtu thuhet se po rekruton në dhjetëra qendra sportive në të gjithë Rusinë, shkruan Reuters.
Në përditësimin e fundit të inteligjencës, Ministria e Mbrojtjes thotë se pronari i Wager Group, Yevgeny Prigozhin, “ka të ngjarë të ketë humbur qasjen në rekrutimin në burgjet ruse”, për shkak të mosmarrëveshjeve të vazhdueshme me udhëheqjen ushtarake të Kremlinit.
Wagner u kishte premtuar falje të burgosurve që ishin regjistruar për të luftuar në Ukrainë, por Ministria e Mbrojtjes e Mbretërisë së Bashkuar thotë se rreth gjysma e atyre të burgosurve të vendosur tashmë “ka të ngjarë të jenë bërë viktima”.
