Presidenti i Serbisë, Aleksandar Vuçiq ka folur për tensionet e fundit mes Kosovës dhe Serbisë, duke thënë se është në udhëkryq dhe nuk e ka të qartë nëse duhet vazhduar me paqe apo jo.
Këto deklarata presidenti serb i ka dhënë pas arrestimit të tre zyrtarëve policorë të Kosovës brenda territorit të shtetit, nga forca serbe.
“Jemi në udhëkryq. Jo për ashkak të qëllimeve tona për të mos pasur paqe, por sepse është një njeri në Ballkan që dëshiron të ketë luftë dhe të provokojë luftë me çdo çmim”, ka thënë Vuçiq në RTS.
Gjithashtu, Vuçiq ka thënë se sipas rregullave, Kosova nuk mund të vendosë ndalesë ndaj mallrave serbe. Sipas tij, me këtë lëvizje, Kurti dëshiron t’i sjellë serbët e Kosovës në një gjendje të rëndë urie.
“Asnjë shqiptar nuk është qëlluar, dhe që nga fillimi i vitit kemi pasur 6 serbë të qëlluar”, ka thënë ai.
