Një person ka tentuar të vrasë një person tjetër me armë zjarri dje rreth orës 11:53 në rrugën “Latif Berisha” në Prizren, shkruan Gazeta Sinjali.

Lajmin për Gazetën Sinjali e ka konfirmuar zëdhënësi i policisë për rajonin e Prizrenit, Shaban Osmanollaj, i cili tha se viktima është plagosur në këmbë dhe se gjatë përleshjes ka marrë lëndime edhe në kokë.

“Në rrugën ‘Latif Berisha’, mbrëmë rreth orës 11:53 ka pasur një tentim vrasje. Një person është paraqitur në stacion rreth orës 12:15 dhe ka raportuar se është plagosur me armë zjarri nga një person i cili është arratisur. Policia e ka dërguar në emergjencë dhe është jashtë rrezikut për jetë. Është i plagosur në këmbë, ndërsa ka lëndime edhe në kokë që i ka marrë gjatë përleshjes”, tha Osmanollaj.

Ndërkaq, sa i përket të dyshuarit për këtë rast, zëdhënësi i policisë bëri të ditur se ai ndodhet në arrati.

“I dyshuari ndodhet në arrati. Policia ka qenë edhe në shtëpinë e tij, por nuk e ka gjetur aty. Rasti është iniciuar si ‘vrasje në tentativë'”, përfundoi ai./Gazeta Sinjali/