Presidentja e Komisionit Evropian, Ursula von der Leyen thotë se Rusia ka treguar se qëndron për “terrorin” dhe “brutalitetin”.
Duke reaguar ndaj sulmeve me raketa në Kiev dhe qytete të tjera të Ukrainës, ajo tha: “Ata që janë përgjegjës duhet të mbajnë përgjegjësi.”
Presidentja e Komisionit Evropian premtoi se BE-ja do të qëndrojë përkrah Ukrainës për aq kohë sa duhet.
Ajo ka folur në një video-mesazh përkrah kryeministres së Estonisë, Kaja Kallas, pranë kufirit lindor të BE-së me Rusinë.
Kallas tha se aleatët perëndimorë duhet të dorëzojnë sistemet e mbrojtjes ajrore në Ukrainë, “në mënyrë që ukrainasit të mund të mbrojnë qytetet e tyre, civilët e tyre sepse Rusia definitivisht po përshkallëzohet për të dëmtuar civilët”.
