COVID-19

Të infektuar

1123

Të shëruar

847

Të vdekur

30

Politikë/ Jep dorëheqje një anëtar në zyrën e projekteve në kabinetin e Kurtit

news image

Lazar Danic ka dhënë dorëheqje nga pozita e anëtarit të komisionit për vlerësim të projekteve në zyrën për komunitete të kabinetit të kryeministrit në detyrë, Albin Kurtit.

Danic ka treguar publikisht se largimi i tij nga Komisioni për vlerësimin e projekteve në zyrën për komunitete në kabinetin e Kurtit vjen pasi janë bërë keqpërdorime në atë departament.

Ai ka dhënë dorëheqje të parevokueshme dhe në të njëjtën kohë ka tërhequr nënshkrimin e tij në vendimin për ndarjen e subvencioneve.

Danic përmend shkeljen e rregullores së ministrisë së Financave, shkeljen e kritereve dhe procedurat e financimit publik të OJQ-ve.

“Ka shkelje flagrante të procedurave. Jap dorëheqje për shkak të keqpërdorimeve. Procedurat janë shkelur haptazi duke shkelur rregulloren e ministrisë së Financave, kriteret, standardet dhe procedurat e financimit publik të OJQ-ve” ka thënë Danic. /Gazeta Sinjali/


Shpërndaje artikullin

Etiketat kryesore: