Një shtëpi në fshatin Sllatinë të Vushtrrisë ka qenë cak i hajnave dje rreth orës 19:00, raporton Gazeta Sinjali.

Ata kanë depërtuar me forcë brenda shtëpisë, ku kanë vjedhur ari, para, armë e municion.

Një burim brenda policisë i ka thënë Gazetës Sinjali se pronari i kësaj shtëpie u ka thënë hetuesve policorë se vlera e arit që i është vjedhur është rreth 400 euro.

Po ashtu, pronari ka deklaruar në polici se atij i janë vjedhur edhe rreth 350 euro para të gatshme, si dhe një pistoletë me 200 fishekë, për të cilën kishte leje./Gazeta Sinjali/