Visar Morina është tërhequr nga procesi ku kishte aplikuar për gjykatës të Gjykatës Kushtetuese, shkruan Gazeta Sinjali.

Tërheqjen e Morinës e ka konfirmuar kryetari i Kuvendit, Glauk Konjufca, i cili ka treguar se Morina ka dërguar një letër nëpërmjet së cilës ka konfirmuar tërheqjen nga gara.

Morina në mesin e 11 kandidatëve kishte marrë vlerësimin si një nga katër më të mirët.

Kuvendi i Kosovës është duke vazhduar votimin për përzgjedhjen e një kandidati për gjyqtar në Gjykatën Kushtetuese./Gazeta Sinjali/