image Vetëvendosje i kërkon Z-Mobile që t'ia kthej numrat Valës

Kosovë

Vetëvendosje i kërkon Z-Mobile që t’ia kthej numrat Valës

news image

Lëvizja Vetëvendosje ka reaguar lidhur me vendimin për përfundimin e kontratës mes Telekomit të Kosovës dhe Z-Mobile.

Përmes një kumtese për media, Vetëvendosje ka kërkuar që brenda 30 ditësh numrat e Z-Mobile t’i kthehen Valës.

“Kanë kaluar 9 ditë nga përfundimi i kontratës që Telekomi i Kosovës pati me ish Z-Mobile. Brenda 30 ditëve duhet që numrat e kësaj të fundit të rikthehen aty ku e kanë vendin, pra në kompaninë mëmë, në Telekomin e Kosovës. Është e pritshme që Bordi dhe Menanxhmeti i Telekomit të Kosovës të njoftojë publikun se kanë marrë masat në plotni dhe se brenda 30 ditëve numrat do të kthehen nën përdorimin e Valës”, thuhet në komunikatë.

Kjo parti po ashtu ka kërkuar nga nga Bordi i Telekomi që të mos krijojnë pengesa duke paralajmëruar se kushdo që e vonon këtë proices do të përballet me organet e drejtësisë.

“Autoriteti Rregullativ (ARKP), Bordi dhe zyrtarët përgjegjës, marrë parasysh ligjin dhe interesin publik të mos krijojnë asnjë pengesë. Opinionet a shpjegimet që dekurajojnë, relativizojnë, pengojnë, këtë proces tejet të rëndësishëm i shkojnë përshtat dëmtuesve të Telekomit. Çdokush që e vonon këtë proces, apo e devijon, do të jetë padyshim, subjekt i proceseve të ardhshme gjyqësore, ku do të përllogariten dëmet e shkaktuara nga kontrata dhjetëvjeçare PTK-Dardafone. Në të cilën ish anëtarët e bordeve të Rregullatorit kanë pasur rol tejet destruktiv”, thuhet ne komunikatën e Vetëvendosjes.

Lëvizja Vetëvendosje thotë se numrat janë të Valës, pasi që abonentët shfrytëzojnë inftasrtukturën e Valës.

“Numrat, pra, janë të Valës sepse abonentët që i kanë ata numra e shfrytëzojnë infrastrukturën e Valës, ndaj nuk mund te jenë të askujt tjetër përveçse të Valës. Telekomi i Kosovës duhet t’i kalojë edhe praktikisht nën administrimin e vet menjëherë e pa vonesë. Alibi procedurale dhe ligjore për pritje nuk ka”, thuhet në komunikatën për media të Lëvizjes Vetëvendosje.