Lëvizja Vetëvendosje dega në Podujevë, përmes një njoftimi për media ka bërë të ditur se ka dorëzuar kallëzim penal ndaj ish-kryetarit të Podujevës, Agim Veliu, ish-drejtorit të planifikimit urbanistik, Durim Salihu dhe ish-drejtoreshës së Inspekcionit, Florie Besholli, shkruan Gazeta Sinjali.

Sipas tyre, kallëzimi penal ka të bëjë me ndërtimet e egra në këtë komunë.

Kështu bërë të ditur nga Lëvizja Vetëvendosje, në një paraqitje para mediave.

 “Sot kemi dorëzuar kallëzim penal kundër ish-kryetarit të Besianës Agim Veliu, së bashku me dy vartësit e tij, ish-drejtorin e planifikimit urbanistik Durim Salihu dhe ish-drejtoreshës së Inspekcionit Florie Besholli, kallëzimi ka të bëjë me ndërtimet e egra në Komunën e Podujevës”, ka thënë njëri nga përfaqësuesit e Vetëvendosjes në Podujevë.

Tutje aty u tha se ka shkelje flagrante të planit urbanistik në Komunën e Podujevës. Teksa u kërkua nga prokuroria të iniciojë rastin dhe Gjykata të nxjerrë një aktgjykim të merituar për personat në fjalë. 

“Ne fillimisht kemi dërguar një kërkesë me tri pyetje në Drejtorinë e Planifikimit Urbanistik dhe në bazë të përgjigjes që kanë dhënë kemi vërejtur se dy ndërtime janë në kundërshtim me rregulloren e planit urbanistik”, shtoi ai./Gazeta Sinjali/