Ministri i Punëve të Brendshme nga radhët e Lidhjes Demokratike të Kosovës, Agim Veliu ka reaguar për herë të parë pasi sot zyrtarisht është kthyer në këtë pozitë.

Veliu përmes një postimi në faqen e tij zyrtare në Facebook ka thënë se është rikthyer për të vazhduar angazhimin dhe përmbushjen e detyrave në zbatimin e programit qeverisës, transmeton Gazeta Sinjali.

“Rikthim në punë për të vazhduar angazhimin dhe përmbushjen e detyrave në zbatim të programit të Qeverisë së Kosovës. Mbetem fuqishëm i vendosur për të punuar fort në arritjen e synimeve për Kosovën, vend i qetë dhe i sigurtë, për luftë pa kompromis ndaj krimit dhe korrupsionit dhe për arritjen e objektivave të vendit tonë për të siguruar anëtarësim të Kosovës në mekanizmat ndërkombëtarë dhe liberalizimin e vizave për qytetarët tanë”, ka shkruar ministri Veliu në Facebook./Gazeta Sinjali/