Një nuse Indiane ka vdekur pas një ataku kardiak gjatë dasmës së saj në Indi.
Familjarët e saj vendosën që ta zëvendësojnë atë me motrën e saj të vogël Nishën, vetëm e vetëm që të mos prishej festa.
Ngjarja ndodhi në Uttar Pradesh, por ka bërë xhiron e botës për shkak të situatës që pasoi tragjedinë. Pasi thirrën mjekun, i cili nuk arriti dot ta shpëtonte nusen, të dyja familjet nuk vendosën të mbyllnin dasmën, por menduan se gjëja më e mirë për t’u bërë ishte që dhëndëri të martohej aty për aty me motrën e së ndjerës, raporton The Times, transmeton Gazeta Sinjali.
Ndërkohë që festimet vijuan, trupi i nuses u fut në një dhomë, për t’u dërguar në krematorium pas dasmës.
Njëri nga familjarët e nuses u shpreh: “Ishte vendim i vështirë për familjen. Të dyja palët u ulëm për të diskutuar se çfarë do të bënim dhe dikush sugjeroi që nusja të zëvendësohej nga motra e saj e vogël. E diskutuam këtë variant dhe ramë dakord. Por ishte shumë e vështirë për ne. Një nga vajzat tona ishte e vdekur në njërën dhomë, ndërsa vajza tjetër po martohej”.
