Mëngjesin e sotëm ka ndërruar jetë Dr. Ali Thaçi, një ndër mjekët më të nderuar të qytetit të Skenderajt.
Lajmin e ka dhënë deputetja e Partisë Demokratike të Kosovës, Blerta Deliu- Kodra.
Ajo ka deklaruar se “doktorin do ta kujtojmë përherë me butësinë e tij dhe pozitivitetin që pasqyronte shpirti i tij por edhe për angazhimin e tij të pashoq për të ndihmuar qytetarët”.
“Axha Ali (siç e thërrisnim), do të lë një boshllëk të madh jo vetëm tek familja, por tek të gjithë ata që patën rastin ta njohim”, ka thënë Deliu-Kodra.
