Mbrojtësi i Manchester United, Raphael Varane ka lëshuar një deklaratë të fuqishme duke shprehur shqetësimet e tij për mbingarkesën e ndeshjeve të cilat rrezikojnë mirëqenien e lojtarëve në ndeshje.
30-vjeçari ka thënë se pas një takimi që kishin pasur me Federatën Angleze, atyre iu janë rekomanduar rregulla të reja, që sipas Varanes janë të rrezikshme për mirëqenien fizike dhe mendore të lojtarëve, raporton Sinjali Sporti.
Mbrojtësi francez ndër të tjerash ka thënë se këto ndryshime dëmtojnë lojën e futbollit, pasi ata duan që të jenë gjithmonë në nivelin maksimal, për t’u paraqitur sa më mirë që fansat të festojnë për çdo javë.
Reagimi i tij:
Raphael Varane: “Ne patëm një takim javën e kaluar me FA. Ata rekomanduan nga gjyqtarët vendime dhe rregulla të reja.
Nga drejtuesit dhe lojtarët, ne kemi ndarë shqetësimet tona për shumë vite tani që ka shumë ndeshje, orari është i mbinbarkuar dhe është në një nivel të rrezikshëm për mirëqenien fizike dhe mendore të lojtarëve.
Pavarësisht reagimeve tona të mëparshme, ata tani kanë rekomanduar për sezonin e ardhshëm: lojëra më të gjata, më shumë intensitet dhe më pak emocione për t’u treguar nga lojtarët. Ne duam vetëm të jemi në gjendje të mirë në fushë për të dhënë 100% për klubin dhe tifozët tanë. Pse nuk dëgjohen mendimet tona?
Si lojtar ndihem shumë i privilegjuar të bëj punën që dua çdo ditë, por ndjej se këto ndryshime po e dëmtojnë lojën tonë. Ne duam të jemi në nivelin tonë maksimal, më të mirët që mundemi dhe të bëjmë paraqitje fantastike që fansat të festojnë çdo javë”.
Besoj se është e rëndësishme që ne, lojtarët dhe menaxherët, të theksojmë këto çështje të rëndësishme pasi duam të mbrojmë lojën që duam dhe t’u japim tifozëve më të mirën tonë.
Pse vie ky reagim?
Zyrtarët e Premier League dhe EFL do të shtojnë sasi të kohës shtesë të stilit të Kupës së Botës në ndeshje si pjesë e direktivave për sezonin e ri.
Një ndëshkim ndaj humbjes së kohës, si dhe një kontroll shumë më i rreptë policor i stolit dhe fushave teknike janë në qendër të udhëzimeve të reja të arbitrave që do të jenë në fuqi për fillimin e sezonit futbollistik.
Minutat e shtuara në fund të ndeshjeve të EFL dhe Premier League tani pritet të jenë shpesh dyshifrore, siç ndodhi në Kupën e fundit të Botës në Katar, transmeton Sinjali Sporti.
Një zyrtar i ndeshjes ka thënë për Sky Sports News se tani do të jetë një gjë e rrallë nëse një lojë e ligës së lartë zgjat më pak se 100 minuta.
Zyrtarët janë bërë gjithnjë e më të shqetësuar me statistikat që tregojnë se sa pak ka luajtur topi në ndeshjet profesionale në Angli, me mesataret sezonin e kaluar prej vetëm 48 minutash në Ligën e Dytë, 50 minuta në Ligën Një, 52 minuta në Championship dhe pak më pak se 55 minuta në Premier League.
Më shumë kohë do të shtohet edhe për festimet e golave, të cilat zyrtarët mendojnë se janë bërë më të gjata dhe më të përpunuara.
Gjyqtarët tani do të jenë të detyruar të caktojnë kohë specifike për sa kohë loja do të ndalet përpara rifillimit për ndërprerje të lojës, të tilla si një gol, një zëvendësim, dëmtim ose përgatitje për një goditje të lirë.
Në përpjekje të mëtejshme për të përshpejtuar lojën, EFL tani do të ketë sistemin me shumë top për të gjitha ndeshjet, siç është tashmë rasti në Premier League.
Futbolli i EFL dhe Premier League tani do të kenë më shumë ngjashmëri me Botërorin e Katarit, ku Anglia kundër Iranit patën 24 minuta kohë shtesë dhe ndeshja zgjati gjithsej 117 minuta. Megjithatë, pati dy lëndime të lidhura me tronditje, tetë gola dhe 10 zëvendësime në 90 minuta.
