Futbollisti i Shqipërisë Myrto Uzuni ka zhvilluar një sezon fantastik me Ferencvarosin, duke e fituar titullin e kampionit në Hungari, transmeton Sinjali Sport.

Ai u transferua një vit më parë nga Lokomotiva Zagreb për 1,8 milion euro, por arriti të tregojë aftësitë e tij në Hungari duke u përshtatur menjëherë.

Kjo ka bërë që çmimi i tij të rritet ndjeshëm, duke u bërë futbollisti më i shtrenjtë në kampionatin hungarez.

Tani vlera e Uzunit është rritur në 3 milionë euro edhe pse gjendemi në mes të krizës financiare të shkaktuar nga pandemia COVID-19.

Pas tij vijnë dy lojtarë që luajnë në një skuadër me të, sulmuesi Tokmac Nguen që vlen 2.8 milionë euro dhe portieri Dénes Dibusz që vlen 2,5 milionë euro.

Për sulmuesin kjo verë pritet të jetë aktive, pasi pritet të ketë shumë drejt tij, ndërsa dëshira e Uzunit është një kampionat më i madh se ai i Hungarisë. /Gazeta Sinjali Sporti/