Ministrja e Punëve të Jashtme dhe Diasporës, Donika Gërvalla, është krenuar me punët e qeverisë në fushën e biznesit, pas një postimi të bërë nga administratorja e USAID-it, Samantha Power, e cila e lavdëroi Kosovën në këtë fushë.
Sipas Gërvallës, kjo vjen si rezultat i zgjedhjeve.
“Zgjedhjet kanë pasoja”, ka shkruar Gërvalla në Twitter.
Ndërkohë, administratorja e USAID, Samantha Power në Twitter ka deklaruar se “Kosova është e hapur për biznes! Vendi ka krijuar një Gjykatë Tregtare të specializuar për të menaxhuar në mënyrë të drejtë dhe të paanshme mosmarrëveshjet e biznesit. Trajtimi i korrupsionit tërheq investitorët ndërkombëtarë dhe përmirëson besimin e sektorit privat në gjyqësor, një lëvizje e madhe përpara”.
