Presidenti Donald Trump ka fituar shtetin e betejës elektorale, Karolinën e Veriut. Trump bëri fushatë agresive në Karolinën e Veriut me tubime me pjesëmarrje fizike në kulmin e pandemisë së koronavirusit, ndërsa Biden përgjithësisht shmangu fushatën fizike elektorale dhe nuk e vizitoi personalisht këtë shtet në 16 ditët e fundit para zgjedhjeve.

Fitorja e presidentit Trump në Karolinën e Veriut i jep atij 15 vota elektorale, duke ulur disavantazhin e tij në 290-232, transmeton Gazeta Sinjali.

Biden ruan një avantazh të lehtë në Xhorxhia, shtet me 16 vota elektorale. Gara mbetet shumë e ngushtë për të shpallur fituesin.

Ish-nënpresidenti Biden shpesh kritikoi menaxhimin e krizës së koronavirusit nga presidenti Trump dhe vendimin e tij për të mbajtur tubime fizike me pjesëmarrës që mbanin maskën shumë pak. Presidenti Trump u përpoq të bindte votuesit se ai do të ishte më i përgatituri për të rikthyer ekonominë në forcën e saj të periudhës përpara pandemisë./Gazeta Sinjali/