Deri tani në Kosovë zyrtarisht janë tri gra shtatzëna të prekura me koronavirus dhe një tjetër është duke u testuar.

Lajmin e ka konfirmuar drejtori i Gjinekologjisë, Jakup Ismaili.

“Rasti i parë është një grua në javën e 36 të shtatzënisë e cila është vetizoluar në shtëpinë e saj në Prishtinë, një tjetër grua poashtu 36 javëshe e cila po trajtohet në Klinikën Infektive si dhe rasti i tretë është një grua 25 javëshe nga Shtimja e cila po ashtu është vetizoluar në shtëpi. Po ashtu është edhe një grua shtatëzënë të cilës i janë marrë mostrat për testim edhe janë në pritje të rezultatit”, ka treguar Ismaili.

Doktor Jakupi tregoi se gjendja e tyre shëndetësore është stabile edhe e mirë.

Kujtojmë se mëngjesin e sotëm ka ndërruar jetë gruaja shtatzënë nga Gjakova, e cila ishte e prekur me koronavirus, teksa numri i të vdekurve në vend ka shkuar në 16./Gazeta Sinjali/