Një aksident ka ndodhur në Pejë, ku një veturë është goditur nga treni.
Si pasojë e këtij aksidenti një person ka mbetur i lënduar, raporton Gazeta Sinjali.
Lajmin e ka konfirmuar zëdhënësi i Policisë për Rajonin e Pejës, Fadil Gashi, i cili ka treguar se personi i lënduar është jashtë rrezikut për jetë dhe lëndimet janë jo serioze.
“Rreth orës 18:25, Policia është njoftuar për një aksident hekurudhor në fshatin Llabjan të Pejës. Treni i cili qarkullonte nga Prishtina për në Pejë është aksidentuar me një veturë. Një person ka pësuar lëndime. I njëjti është dërguar në emergjencë të spitalit për tretman mjekësor. Ai është jashtë rrezikut për jetë, teksa lëndimet janë jo serioze”, tha Gashi.
