Agjensia e Statistikave të Kosovës (ASK) ka publikuar të dhënat në lidhje me eksportin dhe importin e mallrave në Kosovë për vitin 2020, shkruan Gazeta Sinjali.

Tregtia e mallrave në vitin 2020 ishte në vlerë prej 2.8 miliardë eurosh, që tregon për një deficit tregtar më të ulët për (-9.4%), krahasuar me vitin 2019 e, që nënkupton se edhe në këtë vit është një bilanc negativ.

Sipas raportit të ASK-së, totali i eksporteve në këtë vit ishte 474.8 milionë euro, ndërsa importi 3.2 miliardë euro, ku pra eksporti mbulon importin për vetëm 14.4%.

Të dhënat e eksporteve për mallrat kosovare gjatë vitit 2020 tregojnë rritje vjetore për 23.8% në krahasim me vitin 2019. Rritje, e cila ka edhe më tutje bilancin negativ tregtar të Kosovës.

Përderisa, të dhënat e tregtisë së mallrave për importin e Kosovës kanë shënuar rënie vjetore rreth (-5.7%), në krahasim me vitin paraprak, 2019. /GazetaSinjali/