Tre persona janë lënduar nga një aksident trafiku, ku janë përfshirë katër automjete, shkruan Gazeta Sinjali.
Si pasojë e aksidentit viktimat kanë pësuar lëndime trupore dhe të njëjtit janë dërguar për trajtim mjekësor.
Aksidenti dyshohet se ka ndodhur sot rreth orës 14:00 në rrugën Prishtinë-Ferizaj.
Lajmin për Gazetën Sinjali e ka konfirmuar zëdhënësi i Policisë së Rajonit të Prishtinës, Agron Borovci, i cili bëri të ditur se njësia rajonale e trafikut ka dalë në vendin e ngjarjes dhe ka nisur hetimi për zbardhjen e shkaqeve të këtij aksidenti.
“Sot rreth orës 14:00 në rrugën Prishtinë -Ferizaj, ka ndodhë një aksident trafiku, ku janë përfshirë katër automjete. Si pasojë e aksidentit tre persona kanë pësuar lëndime trupore. Personat e lënduar janë dërguar për trajtimin e nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, deklaroi Borovci.
