Tre persona janë arrestuar në komunën e Gjilanit për ‘Organizim të skemës piramidale dhe bixhozit”, shkruan Gazeta Sinjali.
Njëri rast ka ndodhur në qytetin e Gjilanit, ndërsa tjetri në një fshat të kësaj komune.
Në Gjilan është arrestuar një person pasi në lokalin e tij kishte organizuar lojëra të fatit, ku janë konfiskuar mbi 8 mijë euro dhe gjëra tjera.
“Gjilan, 08.10.2021 – 17:30. Është arrestuar i dyshuari mashkull kosovar, pasi që në lokalin e tij kishe organizuar lojëra të fatit-bixhoz. Si prova materiale janë konfiskuar një shtëpizë kompjuterike, një monitor, një printer, 5 televizor, një telefon mobil dhe rreth 8.545 euro para të gatshëm. Me vendim të prokurorit, i dyshuari është dërguar në mbajtje”, thuhet në raport.
Ndërsa, në fshatin Dobreqan, janë arrestuar dy persona, pasi policia në lokalin e tyre dyshohet që kishin organizuar lojëra fati dhe ishin gjetur mbi 38 mijë euro.
“Fsh. Dobreqan, Gjilan 08.10.2021 – 19:30. Janë arrestuar dy të dyshuar meshkuj kosovar, pasi që lokalin e tyre kanë organizuar lojëra të fatit-bixhoz. Si prova materiale janë konfiskuar tri shtëpiza kompjuterike, katër monitor, një printer, tre televizor dhe 38.60 euro para të gatshme. Me vendim të prokurorit, të dyshuarit janë dërguar në mbajtje.”, njofton policia.
