Një numër i madh qytetarësh kanë tentuar që të bllokojnë rrugën në Morinë, për shkak të rregullave të rrepta anti-COVID që Kosova ka aplikuar së fundmi në kufij.

Protestuesit kërkojnë heqjen e masave kufizuese pasi tashmë për t’u futur në Kosovë duhen tre doza të vaksinës kundër COVID-19, ose dy doza dhe një test negativ PCR.

Në kufi duket një prezencë e shtuar e forcave policore të cilët tentojnë të negociojnë me qytetarët të cilët e kanë bllokuar rrugën.

“Herën e parë me një vaksinë, herën e dytë me dy, herën e tretë me tre. Ndërkohë që vaksina e tretë bëhet gjashtë muaj. Ka afat kohor 6 mujor”, shprehet për abcnews një qytetar i revoltuar.

Të shumta kanë qenë reagimet pasi Qeveria e Kosovës njoftoi masat e reja anti-COVID nga qytetarë, por edhe nga shtete fqinje si Maqedonia e Veriut e cila kërkoi rikthim të masave paraprake./GazetaSinjali/