Nënkryetarja e Partisë Demokratike të Kosovës, Vlora Çitaku, ka reaguar ndaj kërcënimit publik që analisti politik Halil Matoshi e mori nga Fehmi Berishës, një ish i burgosur politik, i deklaruar si enverist.
“Dhuna nuk fillon me shkrepje plumbi. Dhuna verbale apo ajo që njihet si vrasja e karakterit (character assassination) i paraprinë dhunës fizike, si instrument për ta justifikuar të dytën”.
“Tash e një kohë në diskursin tonë publik është normalizuar dhuna dhe linçimi. Me lehtësi të padurueshme, madje edhe nga foltorja e Kuvendit, njerëzit janë shpallë kriminelë dhe tradhtarë”.
“Institucionet e rendit duhet urgjentisht të reagojnë ndaj kërcnimit publik që iu bë Halil Matoshit”, ka deklaruar Çitaku në Facebook.
Berisha në Kanal 10 kishte thënë se do të ekzekutonte 5 mijë njerëz në Prishtinë brenda 24 orëve, duke u përpjekur që t’i arsyetoni krimet e Enver Hoxhës.
Pasi fjalën e mori Halil Matoshi ai i tha “t’parin e kisha vjerr Halil Matoshin”.
“Topi pushkë t’u boftë”, ishte përgjigja e Matoshit.
