Tifozët e Dortmund kanë pritur me padurim nisjen e ndeshjes finale të sezonit 22-23, ku klubi i tyre e luan në shtëpi ndaj skuadrës së Mainz.

Një fitore e sotme e Dortmund, do t’i bënte ata kampionë për herë të parë në 11 vite.

Megjithatë, me të nisur kjo sfidë – e cila mund të konsiderohet më e rëndësishmja në vitet e fundit – nuk ka shkuar asgjë mirë për vendasit.

Pas 45 minutave, Dortmund po e gjen veten në disavantazhin prej dy golave, kurse në anën tjetër Bayerni po fiton me rezultat minimal ndaj Kolnit.

Vendasit u shokuan fillimisht në minutën e 15-të pas golit të shënuar nga mbrojtësi Andreas Hanche-Olsen.

Vetëm 4 minuta më vonë, Dortmund kishin rastin që të barazonin rezultatin, por që Sebastien Haller dështoi nga pika e bardhë.

E kjo duket se i dha shtytje skuadrës mysafire që ta shënonte edhe golin e dytë, duke e shokuar për herë të dytë skuadrën vendase, pas golit të shënar nga Karim Onisiwo në minutën e 24-të.

Dortmund do të kërkojë ‘mrekullinë’ në 45 minutëshin, aty ku i duhet të realizojë tre gola dhe të mos e pësojë asnjë tjetër, apo Bayerni të mos fitojë ndaj Kolnit.

/GazetaSinjaliSport/