Një person është therur me thikë në lagjen “Emshir” në Prishtinë sonte rreth orës 20:00, shkruan Gazeta Sinjali.

Lajmin për Gazetën Sinjali e ka konfirmuar zëdhënësja e policisë për rajonin e Prishtinës, Flora Ahmeti, e cila tha se viktima është dërguar për tretman mjekësor në QKUK.

Po ashtu, Ahmeti bëri të ditur se policia ka dalë menjëherë në vendin e ngjarjes dhe ka arritur t’i arrestojë tre persona të dyshuar për këtë rast.

“Me të marrë informatën njësitet e stacionit policor jugu kanë dalë në vendin e dhe vetëm pak minuta pas raportimit të rastit në koordinim me njësitet e stacionit të Fushë Kosovës, kanë arritë që lidhur me këtë rast  të arrestojnë tre perona të dyshuar. Bazuar në  informacionet e para dyshohet që viktima një mashkull 21 vjeç, ka marrë plagë nga një mjet i mprehtë dhe i njëjti është dërguar në QKUK për trajtim mjekësor”, tha Ahmeti./Gazeta Sinjali/