Tërmeti i fuqishëm i magnitudës 6.3 që goditi Kroacinë, është ndjerë edhe në Slloveni. Lëkundjet e tokës ndodhën në kohën kur po zhvillohej një seancë parlamentare. Të trembur, deputetët në sallë çohen nga vendi dhe largohen me vrap, transmeton Gazeta Sinjali.
Kompleksi bërthamor Krsko në Slloveni u mbyll si masa paraprake pas tërmetit në Kroacinë fqinjë.
Centrali atomik ndodhet në një zonë kufitare shumë pranë saj, ai u ndërtua në vitet 70` dhe operacionet i nisi në 1982-shin, kur dy vendet ishin ende pjesë ish federatës jugosllave.
Sizmologu kroat Krešimir Kuk e përshkroi tërmetin si më të fuqishmin e këtij viti në vend.
Ai i paralajmëroi njerëzit t`i qëndrojnë larg godinave të pasigurta dhe ndërtesave të vjetra, duke i kërkuar të zhvendosen në zonat më të reja të qytetit. Lëkundjet e tokës mësohet të jenë ndjerë edhe në Graz të Austrisë.
Si vend mesdhetar, Kroacia është prekur nga tërmetet, por ata të mëdhenjtë janë të rrallë. I fundit i përmasave të ngjashme ishte i vitit 1990, kur qyteti bregdetar Ston u dëmtua rëndë nga lëkundje të magnitudës 6.0.
