Kohëve të fundit përveç në rrugë, përleshje e mosmarrëveshje të ndryshme po ndodhin edhe nëpër shkollat e vendit tonë, duke rritur kështu pasigurinë për nxënësit që vijojnë mësimet dhe jo vetëm, shkruan Gazeta Sinjali.
Një rast që ka rrezikuar sigurinë e të gjithëve ka ndodhur në fshatin Elezaj të Kaçanikut, rreth orës 12:10, të ditës së djeshme.
Gazeta Sinjali mëson nga burimet e saj se pas një mosmarrëveshje në mes të drejtorit të shkollës dhe një personi tjetër, ky i fundit e kishte hedhur një bidon me derivate (benzinë) në korridorin e shkollës.
Këto burime bëjnë të ditur se qëllimi i tij ishte që ta djegë objektin e shkollës.
Drejtori i shkollës i ka njoftuar njësitet përkatëse, të cilët kur kanë dalë në vendin e ngjarjes, të dyshuarin e kanë shoqëruar në stacionin policor.
