Rajoni i Moskës ka pezulluar aktivitetet masive jashtë dhe në institucionet arsimore deri më 1 korrik, kanë njoftuar autoritetet.
Kjo pason që kryebashkiaku i Moskës u bëri thirrje banorëve të përmbahen nga udhëtimet nëpër kryeqytet.
Kryebashkiaku i Moskës, Sergei Sobyanin, njoftoi se e hëna nuk do të jetë ditë pune në kryeqytetin rus dhe u kërkoi njerëzve t’i kufizojnë lëvizjet, pasi autoritetet po përgatiten për pasojat e mundshme të rebelimit të Wagnerit.
Më herët, autoritetet ruse njoftuan për një “operacion kundër-terrorist” në qytetin e Moskës, në rajonin e Moskës dhe në rajonin Voronezh në jug.
