Përfaqësuesi i Lartë i BE-së për Punë të Jashtme dhe Politikë të Sigurisë, Josep Borrell, ka reaguar për situatën e krijuar në Rusi.
Borrelli, përmes një postimi në Twitter, ka thënë se ka zhvilluar një telefonatë me ministrat e Jashtëm të G7-ës për të shkëmbyer mendime rreth situatës në Rusi.
Ai shtoi se tashmë është aktivizuar qendra e reagimit ndaj krizave.
“Kishim një telefonatë me ministrat e Jashtëm të G7-ës për të shkëmbyer mendime për situatën në Rusi. Përpara Këshillit të Punëve të Jashtme të BE-së të hënën, unë jam koordinuar brenda Bashkimit Evropian dhe kam aktivizuar qendrën e reagimit ndaj krizave”, ka shkruar Borrell në Twitter.
Ai theksoi se mbështetja e BE-së për Ukrainën do të vazhdon pa ndërprerje.
