Erik ten Hag ka dhënë indikacione të mëtejshme se Cristiano Ronaldo do të qëndrojë me Manchester United, me menaxherin e ardhshëm duke e përshëndetur atë si një “gjigant” me të cilin mezi pret të punojë.
E ardhmja e Ronaldos ka qenë e paqartë pas një sezoni të dobët që pa Djajtë e Kuq të largohen nga gara në Ligën e Kampionëve dhe të zgjasin ecurinë e tyre pa trofe në pesë vjet.
Por Ten Hag, i cili do të arrijë në Manchester nga Ajax këtë javë, tani duket se sugjeron se vendi i Ronaldos në Old Trafford është më i sigurt se sa pritej, duke lënë të kuptohet se ai shpreson të përdorë ambicien e yllit në planet e tij.
“Mezi pres të punoj me të”, tha Ten Hag për gazetën holandeze ‘De Telegraaf’ kur u pyet për të ardhmen e sulmuesit portugez.
“Ronaldo është një gjigant. Për shkak të asaj që ai ka treguar tashmë dhe mendoj se ai është ende shumë ambicioz. Sigurisht që do të doja ta mbaja atë.
“Ai ka qenë shumë i rëndësishëm për Man Utd këtë vit [dhe ai] mund të prodhojë statistika të shkëlqyera”, ka deklaruar Ten Hag.
Me mungesën e futbollit të Champions League sezonin e ardhshëm, spekulimet kishin qenë të forta se sulmuesi mund të shkurtonte rikthimin e tij në Old Trafford një sezon në një marrëveshje dyvjeçare.
Por Ronaldo la të kuptohet për qëndrimin e tij në një intervistë për faqen zyrtare të United, kur i uroi fat holandezit të ardhshëm në pozicionin e tij të ri.
“I uroj atij më të mirën dhe le të besojmë se vitin e ardhshëm do të fitojmë trofe”, tha ai.
